No startar det!

Og då snakkar eg om eksamenlesinga! Eg starta idag, mandag 19.november, men eg burde starta mykje tidligare. Om 8 dagar til skal eg ha norsk-eksamen, altså den 27. november. Den skal skrivast på nynorsk. Pensumet har eg ikkje tenkt på sia i byrjinga av 2007. Har heller ikkje vore på ei einaste forelesning i dette faget. Ikkje har eg lest eller skrive noko nynorsk sia sommaren. Så på desse åtte dagane må eg lære meg å skrive feilfritt nynorsk OG lese meg opp på heile norsk-pensumet for eit semester.

I tillegg til dette må eg lære meg tallteori. Eksamen i det faget skal eg ha 3 dagar etter norsk-eksamen, altså på Aina sin bursdag 30. november. Og eg er ikkje flink i tallteori. Ein kan nesten sei at eg slit litt i det. Så det må eg og lese meg opp på og lære meg å rekne oppgåver med i løpet av uka.

Ellers kjem eksamenane på rad og rekkje med ca ei ukes mellomrom, henholdsvis den 7. og 13. desember.

Eg gler meg til ettermiddagen den 13. desember, for å seie det sånn!

Ellers er det mange forstyrrande element i kvardagen for tida. Ikkje så lett å konsentrere seg om pensum, når det er nokon eg mykje heller vil fokusere på og bruke tida mi med. Det er ein grunn til at eg ikkje har fått starta med eksamenslesinga før nå, for å seie det sånn! Perioden som nå er forbi har vore veldig fin, så då skal eg heller takle å ha ein litt hard periode føre meg.
Har det veldig fint for tida uansett!

Om dykk finn noen grammatiske feil i språket, skriv gjerne ned ein kommentar. Eg trener meg jo på å skrive nynorsk på eksamen.

Ha ei god uke alle saman, og lykke til på eksamen til dykk som held på med sånt!